Frå tid til anna må
enkelte bilete pyntast på.
Over kan ein sjå eit skrekkens eksempel på korleis det kan gå når
bilete blir skanna inn på "feil måte".
Biletet bli teke den 31/07-02 med eit Mamiya/Sekor 500TL og
eit Tamron 400 mm objektiv.
Etterbehandling i Paint Shop Pro.
Det øvste biletet til høgre, er scanna med ein "heimeskanner"
og lettare etterbehandla. Fjerning av prikkar som følgje av
støvkorn på filmen, samt justering av fargebalanse og kontrast.
Elles minimalt med justeringar.
Biletet vart etter skanning brent inn på CD-plate i Tiff format.
Det
nederste biletet til høgre, blei etter framkalling og
kopiering hos ein fotoforhandlar, etterbestilt for digitalisering og brenning på CD i høg oppløysing og kvalitet.
. Då CD-en omsider kom var det meste av
bilda veldig kornete og skjemd av "støy" kvite prikkar og
spettar som på eit dårleg TV bilde.
Det ligg bak utruleg masse arbeid for å få bildet såpass presentabelt
som det til venstre.
Biletet blei konvertert til TIFF-format, og lagra med to
forskjellege namn. Det eine vart så behandla i eit bildebehandlings-program. Begge blei så skalert til same storleik og sidan komprimerte til JPEG på same måten
og i same komprimeringsgrad.
Bilda eg fekk frå laben var lagde på CD-en i JPEG format. I varierande oppløysing og
storleik Dette er "greitt nok" når redigering er ferdig, men
IKKJE før og under redigering. Bruk då helst
TIFF formatet. ved JPG ( JPEG) blir biletet dårlegare og meir
og meit kornete for kvar gong du lagrar.
Skal du bestille bilde frå proffane, eller skanne inn sjølv, så
forlang / brenn i andre format enn JPG/JEPG !! I alle fall om du har
planer om vidarebehandling av bileta.
I alle fall blei det ei heller dyr moro. Kr. 250 for 22
bilete.
Eg påpeika då at eg var førespeila 96 Kr, og fekk då til svar at det
berre var for CD-en. (Lurer på kvar den skulle vera kjøpt hen).
Eg vil helst sleppe offentleg å oppgje kva forretning/ kjede som
begikk elendigheita oppe til høgre, så sant at det ikkje gjentek
seg. Men eg kan forsikre om at eg har
oppnådd langt høgare kvalitet på ringare oppløysing ved å låne
skanner hos venner og bekjendte.
Dei som ynskjer det, kan likevel få oppgitt dette ved å sende ein
e-post.
Nokre av bileta på denne
CD-n frå lab-en er vanskelege å få
forhåndsvist på skjerm eller lasta inn i div program. ( Feil på
CD-n?? )
Om du skulle ynskje å få overført bilete til CD, og har planer om å
overlate det til ein profesjonell lab, pass då på at:
Dei veit kva dei gjer
Korleis dei skal gjere det
At du gjev dei klårt definerte oppgåver. ( biletstorleik, oppløysing,
format. m.m.)
|