Gravferd på husmannsplassen Rabben
Anno 1802.
Slekt og grannar samlar seg i tunet før
avreise til kyrka.
Servering av mat øl og kaffi. Kaffi var
etterkvart kome inn (etter påtrykk frå prestane ? ) for å fa ned
forbruket av øl.
Ennå blir gravferder enkelte stader omtala som gravøl
Det blei under arrangementet sagt at det i tidlegare tider var vanleg med
"lause kistebotnar" når fattigfolk skulle i jorda, slik at ein
kunne ha "gjenbruk" av kista. Det var heller ikkje uvanleg
at det var utlån av kister mellom forskjellege bygdelag, F.eks.
mellom indre og ytre delar av fjorden, Kista kunne då brukast til
anna transport, f. eks. fisk.
Det blei fortalt at det var mykje overtru knytt til
dødsfall og gravferder i gammal tid.
Kista med den døde blei som regel plassert i eit anna hus på garden
Kanskje på låven. Grannar og slektningar sat då ofte og song salmar ved kista. Gravferdsdagen vart denne så sendt ut ein
opning i veggen, ( lik-gluggen ).
Meininga med dette var at
den avdøde ikkje skulle finne vegen inn att på låven som eit
gjenferd. Når så kista blei ført bort, brende dei sengebolet til
den avdøde ved porten. Trua var då at sjela til den døde skulle
styggast bort av den vonde lukta og ikkje heimsøkje dei attlevande.
|