På vestsida av Blakset tunnelane, Fv 613, finn du denne bergveggen
høgt oppe i lia. Området er temmeleg rasutsett,
og det ligg ofte større og mindre stein i vegbana. Problemet er berre
korleis få ned det som er laust.
Til så lenge kan ein glede seg over "naturens eigne
kunstverk". Biletet er teke med teleobjektiv frå ein møteplass på
vegen eit par hundre m lenger nede.
OBS!! Dette er ikkje manipulert! Om nokon skulle tru det!
Prøv å finn ut kor mange "personar eller figurar" du finn.
Det kan hende at det dukkar opp nye etterkvart.
Slike naturlege kunstverk set sjølvsagt tankane på gli,
Den dominante "personen" midt på bergveggen nedst i biletet. Kan det for
eksempel symbolisere "Meister Jo"? (Jon Mogensen Schancke, 1570 - 1618),
prest i Innvik, avretta ved halshogging pga påstandar om utsvevande
levesett, vanskjødsel av presteteneste og ei
rekka andre forhold. Myter omkring Jon seier at mykje av skuldingane var det
prestefrua, Magdalena Foss, som stod bak.
Jon var ein lærd mann- Han skal ha gått presteskule i
Wittenberg, Tyskland i 5 år. Deretter er det sagt at han tok nye 5 år
på ein annan skule, den såkalla "Nedgangsskulen". Der lærte dei å
bruke Svarteboka, korleis nytte seg av "magiske formlar" m.m.
Skulemeisteren er det sagt, var den vonde sjølv. Det blei hevda at Jon kunne
tyde dei forskjellege dyrespråka.
Segna kan fortelje, at rett før Jo la hovudet på blokka, sa
han som så: "Om jeg er uskyldig, så skal mitt blod renne oppoverbakke."
Og sjølvsagt gjorde det det! Almuen tok det då forgitt at Jon
vitterlig var uskyldig. Rettarstaden blei då kalla Mordskogen. Eit
namn som halde deg til vår tid.
Med dei som stod han etter livet, gikk
det visstnok heller ille. Kona, Magdalena, fekk ein sjukdom som
førte til at ho blei forkrøpla, krøktest ihop , tok til å "krympe".
I hennar siste år kunne dei visstnok oppbevare henne i lita kasse eller korg
som dei bar med seg eller som stod
på eit bord.
Så langt segna. I Innvik-kyrkja har eg høyrt at
det skal vere eit måleri av Magdalena og Jon. Magdalena skal visstnok vere
måla med blod på hendene..
Og her står han no. Med kappe og krage, held alt og
alle under oppsikt, og ser over fjorden mot Innvik, kyrkja, prestegarden og
rettarstaden. Som i er sagt å vere i prestemarka.
Når det gjeld "prestekappa", Ser ei litt nærare på
den, kan ho minne om ein person, ein som står og held noko som kan minne om
ei øks eller liknande i handa. Om hovudet over skal symbolisere
"Meister Jo", er dette då skarprettaren??
Og lenger oppe, litt til venstre, er der noko som kan minne om ei gruppe på
3 - 4, kan hende 5 personar, sittande på i hylle eller ein slags benk.
Om ein skal dra "Meister Jo konseptet heilt ut, er dette då eit slags
symbol på "juryen"?
Til høgre finn du eit oversiktsbilete av same bergveggen.
På dette kan du skimte eit par figurar til. Over bergveggen og til
venstre.
Fleire detaljar på oversiktsbiletet under og til høgre
|