|
|
|
|
|
|
|
 |
Stryn Ettersøks lag
Stifta 1992
S E L vart stifta 1992. Krav om godkjent ettersøkshund i samband
med jakt kom i 1994.
Formål
Vi har som formål å tilby ettersøk etter skada, og påskote
hjortevilt i Stryn kommune.
tlf 4150 1389
e.post |
|
Reglar
Reglar som gjeld i samband med jakt
Viltlova stiller krav om at jakt og fangst skal utøvast på ein
slik måte at vilt ikkje blir utsett for unødige lidingar, og
slik at det ikkje oppstår fare for menneske eller husdyr eller
skade på eigedom (§19)
Vidare er det forbod mot bruk av kunstig lys i samband med jakt.
Ettersøk etter påskote vilt er å regne som ordinær jakt, og
forbodet mot lys gjeld også då. Jakt som føregår mot, eller
under den mørke delen av døgnet, stiller store krav til aktsemd
frå jeger.
Pliktig ettersøk på eige vald skal, om nødvendig, pågå til ut
dagen etter skadeskytinga. På anna vald, opphører retten til
ettersøk ved utgangen av den dag såra vilt kom inn på valdet.
Jeger / jaktlag har det heile og fulle ansvar for ettersøk i
denne perioden.
|
|
!
Den gode jeger er:
Ein person som kjenner og respekterer viltet som blir
jakta på, og som følgjer lovverket,
og oppfører seg slik samfunnet forventar seg av han
eller henne som jeger.
|
|
!
I ein jaktsituasjon er ofte marginane små, og tida
knapp. Då må dømmekrafta stemme og
moralen sitte.
|
|
|
Huskeliste
Sørg for at du jaktar med rett våpen og
ammunisjon, som du har avlagt skyteprøve med.
Bring med nødvendig papir under jakt.
Studer kjønn, alder og utsjånad. Ved evt. ettersøk er det viktig
at ein veit kva dyr ein skal søke etter.
Velg stabil skytestilling.
Avfyr kun reint skot mot sikker bakgrunn.
Tøm våpen når du tek pause, og alltid i samband med samlingar.
Det er du som jeger som har ansvar for at du driv jakt som ikkje
strider mot lover, reglar og intensjonar.
|
Forventning
Ved skadeskyting forventar vi av deg som
jeger at:
Du merker av plassen du stod.
Du merker av plassen der dyret stod.
Du unngår å trakke til skotplassen.
Du melder frå straks om skadeskyting.
Du unngår å følgje etter dyret (maks 100 m). Dersom det blir
skremd opp av sårlege, blir det ei nesten umuleg oppgåve å få
avliva dyret. NB ikkje gå i sporet.
Du har klart for deg kva dyr du skaut mot. Evt. andre dyr som
var med, og kvar disse tok vegen.
I tillegg forventar vi av jaktlaget:
At ein ikkje opptar jakt på nye dyr.
At ein kan skaffe tilstrekkeleg med folk til å gjennomføre
ettersøk. Dette gjeld også evt. dagen der på, dersom det blir
nødvendig med ettersøk den påfølgande dagen (sjølv om dette er
ein måndag).
|
|
!
Eit vellykka ettersøk er resultatet av at alle partar
har same mål. Dette krev bl.a. at
ein har korrekte opplysningar om kva som skjedde.
|
|
| |
|
|
|
|
