Jølster mållag er organisasjonen for deg som har tilknyting til Jølster og er glad i nynorsk og dei norske dialektane.

Jølster mållag har i underkant av 80 medlemer, og du er hjarteleg velkomen som medlem.

Leiar er Jorunn Hope.

Dei andre i styret er Birgit Tansøy (nestleiar) Einar Gautefall (kasserar), Sissel Gjesdal Sægrov og Ole Magnus Kapstad.

Jølster mållag arrangerer årleg ein bokkveld og deler kvar haust ut ein målpris til personar eller organisasjonar som vi ønskjer å gjere stas på.

I tillegg gir vi ut juleheftet JØLST. Dei gamle årgangane er no digitaliserte og du kan lese dei i pdf-format på nettet. Artiklar til JØLST kan sendast til leiar eller nestleiar.