|
Gulen - eit
vakkert namn,
klangfullt over
sjø og i hamn,
med ekte norsk
sogesus
sterkare enn
både vind og bylgjebrus.
Her sig soga inn
i dine tankar,
minna vermar i
kvar hjarta som bankar.
Under desse
slakke lier
gjorde i farne
tider
smidige
vikingskip stans,
dei la til lands
og slo ring
om gamle
Gulating.
Rettsreglar
herfrå vart med på ferda
og vann vyrdnad
ute i den store verda.
“Gula” - namnet
dei tidlegare båtane bar
som i nemning
knytte til Gulen var.
Me syntest det
lydde ganske bra.
No skal båten
kommunenamnet ha
og me føler oss
stolte og gla
over at namnet
på kommunen vår
på ei so
praktfull skute står.
Me også
hjarteleg takke vil
for at dåpen
vart lagt her til.
Den fyrste
“Gula” i 1910
kom til vårt
rederi.
Spesialbygd for
last,
med dekk, luke,
bom og mast
både forut og
akter,
tok ho alle
slags frakter.
Ho hadde også
nokre køyar
for reisande til
fjorbygder og øyar.
Ho var rederiet
sin fyrste i sitt slag,
og særmerkt var
ho all sin dag.
Ho helst ruter
på kysten fekk,
mykje her i
Gulen ho gjekk.
Under siste krig
vart ho torpedert,
men var reparert
utan synlege
endringar og mein,
og heldt fram
til ho vart seld i 1951.
Ny “Gula” kom i
1954, moderne og stor,
vart sett i rute
på Sognefjord.
Der gjekk ho
trutt og fast
til og frå byn
med pallelast.
Ho hadde også
fin salong
som mang ein
gong
fullsett var
med engelske
rundreiseturistar.
I 1977 ho ut or
rederiet for,
året etter hamna
ho i Ecuador.
Vår kommune si
namnetilknytning til flåten
skal
vidareførast med denne velutstyrte nye båten.
Her skal namnet
stå,
lett å få auga
på
same kva ende
eller side me enn ser han frå.
Du er
flaggskipet i ein moderne flåte
og spreier
kjennskap til Gulen på ein positiv måte.
Fylket fekk seg ein tenar
god og tru
då eit møte i Førde i 1857
vedtok det store og flotte
at Fylkesbaatane skulle starte i
1858
Millionar av
passasjerar har dei sidan frakta,
tonnevis med
last har dei også makta
rundt i vårt
vidsveimde fylke å føra,
utan å ta skade
av børa.
Mykje kultur dei også
med seg skulle føre,
gav bygdene
trivsel, liv og røre.
Når dei venta
gamle “dampen”
forlet folk
plogen og stampen.
Heile skreia
møtte på kaia,
gamalt og ungt
hadde der sitt
samlingspunkt.
Me frette nytt,
meiningar vart
bytt,
drøfta vart alle
hendingar
og nye
vendingar,
valgtalar vart
halde,
mange gode
stubbar fortalde.
Fylkesbaatane
konkurranse fekk merke,
men voks seg
berre meir store og sterke.
Då vegar kom,
der bilar og bussar gjekk,
også
Fylkesbaatane hjuldoningar fekk,
trafikken på sjø
og land
gjekk hand i
hand.
Også der det
ikkje kunne byggast veie
ville
Fylkesbaatane trafikken greie.
Dei sette inn
ferjer, solide og breie,
der sjåførane,
trøytte og leie,
fekk kobla av og
prata saman,
drikka kaffi og
ha det gaman,
medan ferja,
trufast, god og trygg,
bar dei på sin
sterke rygg,
over til neste
vegende,
der ho vende
og tok nye folk
og bilar med attende.
Soleis
ferjetrafikken framleis går,
sommar, haust,
vinter og vår, år etter år,
til folket si
store nytte,
bygdelag
saman vert knytte.
På sjøen kjem
stadig betre ruter
med snøgge
komfortable skuter.
Reisetida
minkar, reiselysta veks,
i 40 knop medan
me nyt kaffi og kjeks,
går det som eit
behageleg lyn,
på ein, to, tre
er me i byn.
F.S.F. er flinke
til å fornya seg sjøl
både på hjul og
på kjøl.
I laste-,
passasjer- og ferjerute
er dei stadig
med nyvinningar ute,
i dag med denne
nye, staslege skute.
Ja, her ligg ho,
blankpussa og fin,
flagga vaiar,
lakken skin.
Salongane lyser
så det er ein fryd
med blomar og
biletpryd,
panoramavindu og
mjuke sete,
mat og drikke
for dei som vil ete.
Komforten er på
topp.
I ein fart på 16
knop
båten avgarde
ilar
med opptil 111
bilar
og eit
passasjertal på 399
som på 2600
hestar får ri
frå ei side av
fjorden til hi.
Hjørungavåg
Verft har, til ein tenleg pris,
i samarbeid med
Nordfjord Skips Service,
i aluminium,
glas og stål
her nådd sitt
mål
med dette solide
og flåtte
byggenummer
førtiåtte.
Ingrid sender champagneflaska i
skipsida inn,
høgtid
pregar kvart sinn,
fødd i Hjørungavåg, døypt i
Eivindvik,
domen frå
soga gjer deg varm og rik.
Me helsar deg
velkomen du nye tilvekst til flåten,
og gratulerar
Fylkesbaatane hjarteleg med båten.
Måtte hell og
lukke skipet fylgje
over kvar
einaste bylgje!
|
