|
HOMOFIL PREST
Det skulle skje igjen
-ei kvinne mot mange menn!
Biskop Rosemarie Køhn
høyrde dei homofile si bøn,
sette Siri innatt som prest
- hausta stormande protest.
Me treng nok påbod og reglar,
men når me til soga skjeglar,
og det er det ofte lurt å gjera
her i denne harde verda,
ser på kor dei skriftlærde
med riset alltid var på færde,
korleis dei styrde tempeldrifta
ved å ri paragrafane i skrifta,
korleis yppersteprestane i kor,
også lasta Jesu liv her på jord,
då tykkjest det ikkje utan grunn
at folk med ei sjel frisk og sunn
i sine tankar vert minna om
det gode i vår barnelærdom.
Jesus stod alle nær,
hadde sin fiende kjær,
viste kjensler og varme,
tok seg av usæle og arme,
trøysta alle på sin vei,
hjelpte dei som lei.
Der han fekk råde
var det rikeleg med nåde,
i vårt indre me ser han
som ein edel samaritan.
Han gjorde folk glad,
me kjenner orda han sa
då ei kvinne stod åleine
mot dei som ville ho steine,
den som sjølv er rein
kan kaste den fyrste stein.
Då vart det stille i den tøffe
horde,
skade kvinna ingen torde,
når Jesus deira samvit rista
alle motet fullstendig mista.
Med sine handlingar Guds eigen son
skapte age, tillit, tru og von,
når hans gjerningar me tenkjer på
synest Køhn si avgjer lett å forstå.
Om prestar og homofili
rår framleis debatt og stri.
Jesu gjerningar og ord
vitnar om kjærleik stor.
Ein gud som trøystar og varmar
og tek imot med opne armar,
neppe bort vil sile
dei han skapte som homofile.
Apostelbrev bør ikkje skape tvil,
Gud elskar nok også ein homofil.
|
