Startside Opp Innleiing Namnet Steinkrossane Døypefonten Olavskjelda Gamal tingstad Gulen kyrkje Prost Dahl Poststad DS-stoggestad Kongevitjingar Andre vitjingar Namnebyte Andre hendingar Livet i bygda Minner ifrå krigen Gamle skikkar Gamal julefeiring Næringslivet Ymse Gulatingsminne Tankar Rim Høgtider Minneord Bankar

PROLOGAR

 

UTVÆR

 

Gjennom hundrevis av år

har folk langs kysten vår

funne levebrød

på hav og sjø.

Dei tok seg fram

gjennom brot og bram

med segl og årar,

trassa slit og fårar.

Heime med borna åleine

i kveldar seine

mang ei kvinne stod

full av lengt og uro,

hutrande på trappa

ho kåpa om seg knappa,

lydde til vind og bårer

med augo fulle av tårer.

Stundom ille det gjekk,

mannen heim ho aldri fekk.

 

Vår fiskar- og sjømannstand

var stor i dette vidstrakte land,

hardbarka menn som med dug og dygd

skaffa næring og vokster til by og bygd,

ofte med stor resiko

når bylgja braut og slo.

Lite det offentlege fann å bygge

som deira liv og helse kunne trygge.

Men etter kvart hende ting som

sjøfarande til glede og nytte kom,

tanken om eit redningsvesen spirte og grodde

til velsigning for alle som siglde og rodde,

eit slags rakettstasjonar kom i stand

der redningsliner vart skotne ut frå land.

Vidare gjekk det slag i slag,

tenesta utvikla seg dag for dag.

Arbeidet kom på støe og raske bein

då Redningsselskapet vart starta i 1891

og snart skulle det store skje,

- redningsskøytene kom i 1893.

 

 

20. mai 1894 eit gjennombrot vart,

ein bragd gav arbeidet ny fart,

i orkan RS nr. 1 ”Colin Archer” redda 37,

mange vart skåna for sorg og gru.

Om litt ”Havet sine kvite englar”

folkenamnet på skøytene var,

dei berga fædre og søner,

var i folket sine bøner,

vart heidra med takk og pris

og støtta på mange vis.

Borgarane på vår verharde kyst

synte særs stor offerlyst.

Rednigsskøytene med sin basar

alltid velkomne var,

sekretæren i lyd og lag,

med program av ymse slag,

midlar til organisasjonen samla,

pengane i skrinet ramla.

 

”Skøyta” ein god ven skulle bli

-  å stole på til ei kvar tid,

berga folk frå forlis og død,

henta lækjar til sjuke i nød,

førde hjelp til fødande møyar

på mange veglause øyar,

leita opp folk som var sakna,

starta eskorte når vinden spakna,

redningsselskapet ordnar det meste,

og det veit dei aller fleste.

Det gjev tryggleik i alle slags ver

å vite at redningsskøyta er nær.

 

Oscar Tybring oppmoda til dyst

for eit ”Rædningsvæsen” som høver vår kyst

og langs vår lange skipsleid

selskapet i sitt utviklingsarbeid

fekk sjøredningskorps i mange distrikt,

slik alle bør få det på sikt.

Dette var dei også her svært opptekne av

som føler ansvar for ferdsel på fjord og hav

og med godt naboskap, sams mål og vei,

eit felles korps det i våre kommunar blei.

 

Enorm innsats mot at ulukker skal skje

Røde Kors-og redningsfolk legg ned,

varm takk til alle som er med !

Alt frå tidleg i folkeskulen

lærer folk i Solund og Gulen

å takle sjøen i fritid og yrke,

nyta hans godlynne, akta hans styrke.

 

Ei svær oppgåve det vart satsa på,

at me ein redningsbåt skulle få

i den aukande trafikken her

mellom våre båar, holmar og skjer.

Som vanleg, med stor dugnadsvilje,

folk, på land, på dekk,-tofte og -tilje

tok mange tunge tak,

for å skaffe midlar til den gode sak.

Og takka vere alle gilde gåver

frå folk i små og store stover

og durabel sponsing av ymse slag

frå mange firma, organisasjonar og lag,

var, etter som tida skreid,

mykje stress og gratisarbeid,

endeleg hindringane passert

for å få ein slik båt stasjonert.

Oppslutnaden har berre økt og økt,

frivillige med stor erfaring og kløkt

har meldt seg til teneste på båten

i slike mengder at dei på den måten

har sikra snøgg utrykning og god drift

frå 5 stader med kvar sitt mannskapskift.

 

Alminiumsbåten no duvar solid, blank og fin,

redningsmerke og nasjonalfargar glitrar og skin.

Dei som til ei kvar tid ansvaret har

vil halda han stroken og klar,

både til mannskapet skal øve

og når dei verkeleg vert sett på prøve.

Med 630 spreke hestar ombord

blir kontrollen god og farten stor,

heile trettifire knop

kan han nå på topp.

Kraftige pumper me veit han har,

hjartestartar og anna moderne inventar,

den nyaste båten

i heile redningsflåten,

det beste ein i dag kan få

av tryggleik på bylgja blå.

 

Ide og motiv for namn låg  ganske nær,

kva var meir naturleg enn R/S ”Utvær” ?

Den faste, sikre fyrstasjon

som gav sjøfolk kraft og von

i generasjon etter generasjon,

leia skuter med sine signal

gjennom stormnetter i tusental,

trygt, traust og tungt

her på Noreg sitt vestlegaste punkt

framleis i sogesusen står,

- mange varme tankar får.

 

Ro og tryggleik den nye båten gjev oss,

takksemd strøymer som ein foss,

alle som var med og fekk dette til

me hjarteleg takke og hylle vil !

 

Me ynskjer selskapet hell og vokster får

framover i gode komande år.

Måtte også lukka båt og mannskap fylgje

til kvar ei tid, over kvar ei bylgje !

150504.

 

Øvste bilete: Dagens Eivindvik. Foto: Leiv Henriksbø

Krossteigen med den angliske krossen og Olavskjelda. Foto: L.H.

Den keltiske Olavskrossen ved kyrkjegardsporten. Foto: L.H.

Den gamle døypefonten i stein i kyrkja.

Dei to krossane og døypefonten stammar truleg ifrå innføringa av kristendommen i Noreg, og kan såleis vere opp mot 1000 år gamle.

 

Tingveggen og Tinghella på Tusenårsstaden Gulatinget på Flolid. Foto: L. Henriksbø

 

EIVINDVIK FØR OG NO

Magnor Midtun si lokalhistoriske heimeside.

Tekst: M. Midtun, e-postadresse: magnor.midtun@enivest.net. Bilete: M. Midtun, der ikkje anna er nemnt. Kommersiell bruk av innhald på denne sida er ikkje tillate utan i samråd med eigaren, men kan brukast fritt til undervising og opplysning. Weboppsett: Studio Henriksbø.

Startside • Opp • Innleiing • Namnet • Steinkrossane • Døypefonten • Olavskjelda • Gamal tingstad • Gulen kyrkje • Prost Dahl • Poststad • DS-stoggestad • Kongevitjingar • Andre vitjingar • Namnebyte • Andre hendingar • Livet i bygda • Minner ifrå krigen • Gamle skikkar • Gamal julefeiring • Næringslivet • Ymse • Gulatingsminne • Tankar • Rim • Høgtider • Minneord • Bankar

Denne heimesida fungerer best i Internet Explorer og Opera. Den kjem diverre berre delvis opp i Firefox og Safari. For dei som brukar dei to siste internett søkjeprogramma, kan det vere eit alternativ å installere eitt av dei to første i tillegg. Ein kan godt ha fleire internett søkjeprogram på den same PC-en. Men på den andre sida vil denne heimesida i løpet av året bli overført til eit meir moderne webprogram som er kompatibelt med dei aller fleste store internettprogramma.